బంగారం అలా.. వెండి ఇలా... ఏపీ, తెలంగాణలో ఈరోజు రేట్లు ఇవే!

బంగారం ధర నిలకడగానే కొనసాగుతోంది. ఈరోజు కూడా పసిడి రేటులో ఎలాంటి మార్పు లేదు. బంగారం ధర స్థిరంగా కొనసాగడం ఇది వరుసగా రెండో రోజు కావడం గమనార్హం. బంగారం ధర నిలకడగా ఉంటే.. వెండి రేటు మాత్రం పడిపోయింది. నేలచూపులు చూసింది. హైదరాబాద్ మార్కెట్‌లో బుధవారం బంగారం ధర నిలకడగానే ఉంది. 10 గ్రాముల 24 క్యారెట్ల బంగారం ధరలో ఎలాంటి మార్పు లేదు. దీంతో బంగారం ధర రూ.48,110 వద్దనే ఉంది. అదేసమయంలో 10 గ్రాముల 22 క్యారెట్ల బంగారం ధర కూడా ఇదే దారిలో పయనించింది. రూ.44,110 వద్ద స్థిరంగా కొనసాగుతోంది. Also Read: బంగారం ధర స్థిరంగా ఉంటే.. వెండి రేటు మాత్రం పడిపోయింది. వెండి రేటు రూ.200 దిగొచ్చింది. దీంతో కేజీ వెండి ధర రూ.73,300కు తగ్గింది. అంతర్జాతీయ మార్కెట్‌లో వెండి రేటు పెరిగినా కూడా దేశీ మార్కెట్‌లో ధర తగ్గడం గమనార్హం. Also Read: మరోవైపు అంతర్జాతీయ మార్కెట్‌లో బంగారం ధర దిగొచ్చింది. 0.08 శాతం క్షీణించింది. దీంతో పసిడి రేటు ఔన్స్‌కు 1762 డాలర్లకు తగ్గింది. వెండి రేటు మాత్రం పైకి కదిలింది. ఔన్స్‌కు 0.21 శాతం పెరుగుదలతో 25.92 డాలర్లకు ఎగసింది. కాగా గోల్డ్ రేటుపై ప్రభావం చూపే అంశాలు చాలానే ఉన్నాయి. ద్రవ్యోల్బణం, అంతర్జాతీయ మార్కెట్ పసిడి ధరల్లో మార్పు, కేంద్ర బ్యాంకుల వద్ద ఉన్న బంగారం నిల్వలు, వాటి వడ్డీ రేట్లు, జువెలరీ మార్కెట్, భౌగోళిక ఉద్రిక్తతలు, వాణిజ్య యుద్ధాలు, బాండ్ ఈల్డ్ వంటి పలు అంశాలు పసిడి రేటుపై ప్రభావం చూపుతాయని గమనించాలి.