ఏఎస్ఐను ఢీకొన్న మందుబాబులు.. ఆస్పత్రిలో చికిత్సపొందుతూ మృతి

హైదరాబాద్‌లో ఓ ఏఎస్సై మృతి చెందారు. మందుబాబులు చేసిన పనికి ఆయన ప్రాణాలు కోల్పోయారు. వివరాల్లోకి వెళ్తే.. ఏఎస్సై మహిపాల్ రెడ్డి నిజాంపేట రోడ్‌లో డ్రంక్‌ అండ్‌ డ్రైవ్‌ నిర్వహిస్తున్నారు. అయితే అదే సమయంలో కొందరు మందుబాబులు ఏఎస్సైని ఢీ కొట్టారు. డ్రంక్ అండ్ డ్రైవ్తప్పించుకునేందుకు యత్నించిన మందుబాబులు ఏఎస్సైని ఢీ కొట్టారు. దీంతో తీవ్రంగా గాయపడిన ఆయనను ఆస్పత్రిలో చేర్పించారు. మూడు రోజులపాటు ఆసుపత్రిలో చికిత్స పొందుతున్న ఏఎస్సై మహిపాల్‌ రెడ్డి కొద్దిసేపటి క్రితం మృతిచెందారు.