భద్రాద్రి కొత్తగూడెం జిల్లా మండలం మామకన్ను సబ్స్టేషన్ వద్ద మంగళవారం పెళ్లి ట్రాక్టర్ బోల్తా పడిన ఘటన 33 మంది గాయపడ్డారు. వీరిలో ముగ్గురి పరిస్థితి విషమంగా ఉంది. కన్నాయిగూడెం గ్రామానికి చెందిన కల్తి రామయ్య కుమారుడు మహేశ్‌కు.. నర్సాపురం గ్రామానికి చెందిన జోగ నర్సింహారావు కుమార్తె అనూషతో బుధవారం పెళ్లి జరగనుంది. దీంతో వరుడి కుటుంబసభ్యులు, బంధువులు మొత్తం 35 మంది ట్రాక్టర్‌లో పెళ్లి కుమార్తె ఇంట ప్రదానం చేసేందుకు వెళ్లారు. కార్యక్రమం ముగించుకుని తిరిగి ఇంటికి వెళ్తున్న క్రమంలో మామకన్ను సబ్స్టేషన్ మూలమలుపు వద్ద ట్రాక్టర్ అదుపు తప్పి బోల్తా పడింది. ఈ ఘటనలో 33 మంది గాయపడ్డారు. స్థానికులు వారందరినీ గుండాల ప్రభుత్వాసుపత్రికి తరలించారు. క్షతగాత్రుల్లో ముగ్గురి పరిస్థితి విషమంగా ఉన్నట్లు తెలుస్తోంది. డ్రైవర్ మలుపు వద్ద నిర్లక్ష్యంగా, అతివేగంగా నడపడం వల్లే ప్రమాదం జరిగినట్లు తెలుస్తోంది. ఈ ఘటనపై పోలీసులు దర్యాప్తు చేపట్టారు.
0 Comments