సీజన్‌ మెగా వేలానికి ముందు టోర్నీలోని ఫ్రాంఛైజీలు తాము అట్టిపెట్టుకునే ఆటగాళ్ల జాబితాని సమర్పించేందుకు గడువు ఈరోజుతో ముగియనుంది. ఐపీఎల్ 2022 సీజన్‌ పది జట్లతో జరగనుండగా.. పాత ఫ్రాంఛైజీలకి గరిష్ఠంగా నలుగురు ఆటగాళ్లని రిటైన్ చేసుకునే వెసులబాటుని భారత క్రికెట్ నియంత్రణ మండలి (బీసీసీఐ) కల్పించింది. ఇక డిసెంబరు చివర్లో లేదా జనవరి ఆరంభంలో ఐపీఎల్ 2022 సీజన్‌కి సంబంధించి ఆటగాళ్ల మెగా వేలం జరగనుంది. 8 ఫ్రాంఛైజీలు వేలంలోకి వదిలేసిన ఆటగాళ్ల జాబితాలో నుంచి... టోర్నీలోకి కొత్తగా రాబోతున్న లక్నో, అహ్మదాబాద్ ఫ్రాంఛైజీలు డిసెంబరు 1 నుంచి 25లోపు గరిష్ఠంగా ముగ్గురు ఆటగాళ్లని ఎంచుకోవచ్చు. ఇప్పటి వరకూ వెలువడిన వార్తల ప్రకారం ఏ ఫ్రాంఛైజీ.. ఎవరెవర్ని రిటైన్ చేసుకోబోతోందంటే? 1. చెన్నై సూపర్ కింగ్స్: మహేంద్రసింగ్ ధోనీ, రవీంద్ర జడేజా, రుతురాజ్ గైక్వాడ్, డుప్లెసిస్ లేదా మొయిన్ అలీ 2. ముంబయి ఇండియన్స్: రోహిత్ శర్మ, జస్‌ప్రీత్ బుమ్రా, కీరన్ పొలార్డ్, సూర్యకుమార్ యాదవ్ లేదా ఇషాన్ కిషన్3. రాయల్ ఛాలెంజర్స్ బెంగళూరు: విరాట్ కోహ్లీ, గ్లెన్ మాక్స్‌వెల్, చాహల్, దేవదత్ పడిక్కల్ లేదా హర్షల్ పటేల్4. ఢిల్లీ క్యాపిటల్స్: రిషబ్ పంత్, పృథ్వీ షా, అక్షర్ పటేల్, ఎన్రిచ్ నార్జ్ 5. సన్‌రైజర్స్ హైదరాబాద్: కేన్ విలియమ్సన్, రషీద్ ఖాన్, భువనేశ్వర్ కుమార్, నటరాజన్6. రాజస్థాన్ రాయల్స్: సంజు శాంసన్, జోస్ బట్లర్, బెన్‌స్టోక్స్, జోప్రా ఆర్చర్7. కోల్‌కతా నైట్‌రైడర్స్: ఆండ్రీ రసెల్, సునీల్ నరైన్, వరుణ్ చక్రవర్తి, వెంకటేశ్ అయ్యర్8. పంజాబ్ కింగ్స్: కెప్టెన్ కేఎల్ రాహుల్‌తో సహా టీమ్‌లోని ఆటగాళ్లందరినీ వేలానికి వదిలేయాని పంజాబ్ కింగ్స్ నిర్ణయించుకున్నట్లు వార్తలు వస్తున్నాయి. రూల్స్ ప్రకారం.. ఫ్రాంఛైజీలు రిటైన్ చేసుకునే ఫస్ట్ ప్లేయర్‌కి రూ. 16 కోట్లు చెల్లించాల్సి ఉండగా.. సెకండ్ ప్లేయర్‌కి రూ.12 కోట్లు, థర్డ్ ప్లేయర్‌కి రూ.8 కోట్లు, ఫోర్త్ ప్లేయర్‌కి రూ.6 కోట్లు ఇవ్వాల్సి ఉంటుంది. ఇక కొత్తగా టోర్నీలోకి వస్తున్న లక్నో, అహ్మదాబాద్ ఫ్రాంఛైజీలకి వేలానికి ముందు ముగ్గురు ఆటగాళ్లని రిటైన్ చేసుకునేందుకు రూ.33 కోట్ల బడ్జెట్‌ని బీసీసీఐ అనుమతించనుంది.
0 Comments