సీఎం జగన్ నివాసం వద్ద గోశాల.. ఎంత అందంగా ఉందో..

తాడేపల్లిలోని ముఖ్యమంత్రి నివాసం వద్ద గోశాలను ఏర్పాటు చేశారు. చంద్రగిరి ఎమ్మెల్యే, ప్రభుత్వ విప్ చెవిరెడ్డి భాస్కర్ రెడ్డి తిరుపతి నుంచి ఆరు గోవులను ఈ గోశాలకు తీసుకొచ్చినట్లు సమాచారం. ఈ సందర్భంగా ముఖ్యమంత్రి వైఎస్ జగన్ సోమవారం సాయంత్రం నూతన గోశాలను సందర్శించారు. ముఖ్యమంత్రి నివాసం వద్ద ఉన్న గోశాలలో ఆవులను చూసిన జగన్ సంతోషం వ్యక్తం చేశారు. సోమవారం సాయంత్రం గోశాల వద్దకు వచ్చి ఆవులను చూశారు. ఇప్పుడు ఈ ఫొటోలు, వీడియోలు సోషల్ మీడియాలో వైరల్ అవుతున్నాయి. వై.వి.సుబ్బారెడ్డి టీటీడీ చైర్మన్‌గా ఎన్నికైనప్పటి నుంచి గోవులకు, గో ఆధారిత ఉత్పత్తులకు అధిక ప్రాధాన్యత ఇస్తూ వస్తున్నారు. తెలుగు రాష్ట్రాల్లో ఉన్న ప్రతి ఆలయానికి ఒక దేశవాళి ఆవును దానంగా ఇస్తున్నామని.. ముఖ్యమంత్రి వైఎస్ జగన్‌మోహన్ రెడ్డి ఆమోదంతో గో సంరక్షణ కార్యక్రమానికి శ్రీకారం చుట్టినట్లు అప్పట్లో టీటీడీ చైర్మన్ వై.వి.సుబ్బారెడ్డి తెలిపారు. దేశీయ గోవుల ద్వారా సేకరించిన పంచగవ్యాలతో హెర్బల్ ప్రొడక్ట్స్ తయారీ చేసేందుకు కూడా టీటీడీ చర్యలు ప్రారంభించింది. ఈ నేపథ్యంలోనే ముఖ్యమంత్రి తన ఇంటి వద్దే గోశాల ఏర్పాటు చేయడం కొంత ఆసక్తికరంగా మారింది.