మందుబాబులు చేసిన వీరంగం ఇది. పెట్రోల్ బంక్ సిబ్బందితో గొడవ పడటమే కాకుండా.. కార్యాలయంలోకి వచ్చి ధ్వంసం చేశారు. గొడవ జరుగుతున్న సమాచారం అందుకొని అక్కడికి వచ్చిన కానిస్టేబుల్ పైనా చేయి చేసుకున్నారు. గుంటూరు జిల్లా తెనాలిలో బుధవారం రాత్రి 11 గంటల సమయంలో బుర్రిపాలెంట రోడ్డులోని పెట్రోల్ బంక్‌లో ఈ ఘటన చోటు చేసుకుంది. దాడి చేసిన బృందంలో 10 నుంచి 15 మంది వరకు ఉన్నట్లు తెలుస్తోంది. నిందితులు మద్యంతో పాటు గంజాయి సేవించి ఉన్నారని బాధితులు ఆరోపించారు. యువకులను ఇక్కడి నుంచి వెళ్లిపోవాలని కానిస్టేబుల్ సూచిస్తుండగా.. వెనుక నుంచి వచ్చి దాడి చేశారు. దాడికి సంబంధించిన ద్రుశ్యాలు సీసీ కెమెరాల్లో నిక్షిప్తమయ్యాయి. నిందితుల కోసం పోలీసులు ముమ్మరంగా గాలిస్తున్నారు.
0 Comments