షణ్ముఖ్ జస్వంత్ కొత్త కెప్టెన్‌గా ఎంపిక కావడంతో.. ఈవారం వరస్ట్ పెర్ఫామర్ ఎవరు? ఎవరు జైలుకు పోతున్నారన్న ఉత్కంఠతో శుక్రవారం నాటి 55వ ఎపిసోడ్ ప్రారంభమైంది. కెప్టెన్ టాస్క్‌లో అవమాన భారాన్ని భరించలేకపోతున్నాడు సన్నీ. సీజన్ 5 అయిపోలేదు.. ఇంకా సగం ఆట మిగిలే ఉంది.. ఓడిపోయావ్ అనే మాట గుర్తుపెట్టుకోవాలి.. జెస్సీ సంచాలకుడిగా ఎంత చెత్తగా చేశాడో చూశాం కదా.. ఇప్పటి నుంచి కలిసే ఆడదాం అని మానస్‌తో అన్నాడు సన్నీ. అనంతరం మానస్ టాస్క్ ఆడే విధానం ఎలా ఉందో వివరిస్తూ పేపర్‌లో రాసి ఉన్నది చదివి వినిపించాడు. మొదటి రెండు రౌండ్స్‌లో మొదటి సర్కిల్‌లో నడవాలి.. తదుపరి రౌండ్‌లో రెండో సర్కిల్‌లో నడవాల్సి ఉంటుంది. ఆఖరి రౌండ్‌లో చివరి సర్కిల్‌లో నడవాల్సి ఉంటుంది.. ఈ లెక్కన మొత్తం 5 రౌండ్స్ ఉంటాయి. మొత్తం ఆరుగురు కంటెంట్స్ ఉంటే ఐదు రౌండ్లు ఉంటే.. సింగిల్ సింగిల్ ఎలిమినేషన్ అవుతారు.. మరి జెస్సీ ఒకేసారి ఇద్దర్ని ఎలా ఎలిమినేట్ చేస్తాడంటూ అసలు పాయింట్‌ను బయటకు తీశాడు. అయితే రవి నిన్నటి నుంచి గేమ్ ప్లాన్ మార్చేశాడు.. షణ్ముఖ్‌తో దూరంగా ఉంటే తన ఆట సాగదని అనుకున్నాడో ఏమో కానీ త్రిమూర్తులు (సిరి, షణ్ముఖ్, జెస్సీ)లతో కలిశాడు. సన్సీ మళ్లీ రూల్ బుక్ చదువున్నాడని వాళ్ల దగ్గర ఊదడంతో.. చదువుకోనియ్ వాళ్లకి ఇక నిద్రపట్టదు అని సిరి సెటైర్ వేస్తే.. సంచాలకుడి నిర్ణయమే తుది నిర్ణయం అనేది ఎందుకు చదవడం లేదని షణ్ముఖ్ పాయింట్ లేవనెత్తాడు. అయితే విచిత్రంగా ఆనీ మాస్టర్.. శ్రీరామ్, జెస్సీలతో కూర్చుని.. సంచాలకుడిగా గ్రేట్ జాబ్ అంటూ పొగిడింది. అరిస్తే హీరోలు అయిపోరు అంటూ ఆనీ మాస్టర్ సన్నీ గురించి గుసగుసలాడింది. ఆ తరువాత ఈ గుంపులో విశ్వ కూడా జాయిన్ అయ్యాడు. సన్నీ ఎవరైనా ఏదైనా చెప్తే వినడంటూ మాట కలిపాడు. ఇక మానస్ కూడా నీకు ఏటైంలో ఏం మాట్లాడాలో తెలియదు.. అని చురకలేశాడు. ఇంతలో కాజల్ జాయిన్ అయ్యి.. హౌస్‌లో మాస్క్ ఉన్న ఒకే ఒక్క పర్సన్ శ్రీరామ్ చంద్ర అని సన్నీ, మానస్‌లతో చెప్పింది కాజల్. ఇక ఒంటరిగా పూల్ పక్కన పడుకున్న సన్నీ.. దొంగలు హీరోలు అవుతున్నారు.. హీరోలు దొంగలు అవుతున్నారు. ఈ సంగీతం మాస్టార్ శ్రీరామ్ ఒకడు అందర్నీ సంగీతం పడేస్తాడు.. వీళ్లతో ఎలా నెట్టుకునిరావాలో ఛీ అంటూ తనలో తాను మాట్లాడుకున్నాడు సన్నీ. ఇక ఉదయాన్ని కూడా కాజల్ దగ్గర కూర్చుని.. షణ్ముఖ్ కంటే ఆనీ మాస్టర్ బ్యాగ్‌లోనే బాల్స్ ఎక్కువ ఉన్నాయి.. అయినా వాటిని పరిగణలోకి తీసుకోకుండా అతన్ని కెప్టెన్‌ని చేశారు అంటూ.. ‘నమ్మిన వాళ్లే పూవ్వుని కోస్తే నీ ఎదలో బాధా’ అంటూ పాట అందుకున్నాడు సన్నీ. దీంతో మనసులో బాధను ఏం పెట్టుకోకురా అని ధైర్యం చెప్పింది కాజల్. షణ్ముఖ్-సరి.. వయా మోజ్ రూం!! కెప్టెన్ అయిన తరువాత కూడా షణ్ముఖ్‌లో మార్పు రాలేదు.. అదే మోజ్ రూం అదే సిరి.. అవే ముచ్చట్లు. కెప్టెన్ అయిపోయాడు మా షన్నూ.. నువ్ కెప్టెన్ అవ్వడం వీళ్లెవరికీ ఇష్టం లేదని సిరి కెలికివదిలేస్తే.. ఇక్కడ బాగానే ఉంటున్నారు కానీ.. టాస్క్ వచ్చేసరికి డిఫరెంట్‌గా ఉంటున్నారు అని చెప్పాడు షణ్ముఖ్. వరస్ట్ పర్ఫామర్.. ఎవరు? రచ్చ రచ్చ మొదటిగా షణ్ముఖ్.. కాజల్‌ని వరస్ట్ పెర్ఫామర్‌గా నామినేట్ చేశాడు. ఆ తరువాత సన్నీ జెస్సీని వరస్ట్ పెర్ఫామర్‌గా చెప్తూ.. ఇంత వరస్ట్ సంచాలకుడ్ని ఇప్పటివరకూ చూడలేదు అని చెప్పాడు. ఆ తరువాత లోబో.. ఆనీ మాస్టర్ గివ్ అప్ ఇవ్వడం నచ్చలేదు అందుకే ఆమె వరస్ట్ పెర్ఫామర్ అని చెప్పాడు. ఇక మానస్ కూడా వరస్ట్ సంచాలకుడిగా చేసిన జెస్సీ.. వరస్ట్ పెర్ఫామర్ ఆఫ్ ది వీక్ అని చెప్పాడు. రవి సన్నీని వరస్ట్ పెర్ఫామర్‌గా నామినేట్ చేశాడు. కాజల్ శ్రీరామ్‌ని వరస్ట్ పెర్పామర్‌గా నామినేట్ చేస్తూ ప్రోవోకింగ్ చేస్తున్నాడు అని చెప్పింది. ఇక సిరి సన్నీని వరస్ట్ పెర్ఫామర్‌గా నామినేట్ చేస్తూ.. సంచాలకుడితో సన్నీ వ్యవహరించిన బిహేవియర్ నాకు నచ్చలేదని చెప్పింది. దీంతో సన్నీ ఆమెకు దిమ్మతిరిగే పంచ్ ఇచ్చాడు. నువ్ కత్తి పట్టుకుని గేమ్‌లో గెలివాలని చూశావ్.. అది మంచి బిహేవియరా అని అడిగాడు. దెబ్బకి సిరి.. అయితే నువ్ నన్ను వరస్ట్ పర్ఫామర్‌గా నామినేట్ చేసుకో అని చెప్పింది. ఆ తరువాత ఆనీ మాస్టర్.. గివ్ అప్ ఇవ్వడం నచ్చలేదని చెప్పిన ప్రియాంక ఆమెను వరస్ట్ పెర్ఫామర్‌గా నామినేట్ చేసింది. ఆ తరువాత శ్రీరామ్‌తో పాటు విశ్వలు కాజల్‌ని వరస్ట్ పెర్ఫామర్‌గా నామినేట్ చేశారు. ఆనీ మాస్టర్.. ప్రియాంక తనని వరస్ట్ పెర్ఫామర్ అని అన్నది కాబట్టి ఆనీ మాస్టర్ ప్రియాంకని వరస్ట్ పెర్ఫామర్‌గా నామినేట్ చేసింది. మొత్తంగా ఇంటి సభ్యుల ఓటింగ్‌లో సన్నీకి అత్యధికంగా మూడు ఓట్లు.. కాజల్‌కి మూడు ఓట్లు రావడంతో టై అయ్యింది. దీంతో ఇంటి సభ్యులు ఏకాభిప్రాయంతో ఆలోచించి.. కెప్టెన్‌గా ఉన్న షణ్ముఖ్‌‌కి నిర్ణయాన్ని వదిలేశారు. దీంతో సన్నీని వరస్ట్ పెర్ఫామర్ అని అన్నాడు. దీంతో సన్నీ జైలుకి వెళ్లాడు.
0 Comments