ప్రజా రక్షకుడిగా ఉండాల్సిన పోలీస్ కానిస్టేబుల్‌ ఓ యువతిని చెరబట్టిన ఘటన ఇది. పెళ్లి చేసుకుంటానని యువతిని నమ్మించి పలుమార్లు లైంగిక దాడికి పాల్పడి మోజు తీరాక మొహం చాటేశాడు. బాధితురాలి ఫిర్యాదుతో ఇప్పుడు జైల్లో ఊచలు లెక్కపెడుతున్నాడు. ఎల్బీ నగర్‌ పోలీసుల కథనం ప్రకారం.. మహబూబ్‌నగర్‌ జిల్లా గడివేడు మండలానికి చెందిన దాసరి రాములు(29) సైబరాబాద్‌ పోలీస్ కమిషనరేట‌లో కానిస్టేబుల్గా పనిచేస్తూ రంగారెడ్డి జిల్లా నార్సింగిలోని జాహిర్‌నగర్‌లో నివాసం ఉంటున్నాడు. 2017లో ఓ యువతి ఎస్‌ఐ కోచింగ్‌ కోసం హైదరాబాద్‌కు వచ్చింది. అదే సెంటర్‌లో కోచింగ్‌ తీసుకుంటున్న రాములు ఆమెతో స్నేహం పెంచుకుని ప్రేమిస్తున్నట్లు చెప్పాడు. ఆమె కూడా ఓకే చెప్పడంతో ఇద్దరూ చెట్టాపట్టాలేసుకుని తిరిగేవారు. Also Read: ఈ క్రమంలోనే ఆమెకు మయమాటలు చెప్పి స్నేహితుడి గదికి తీసుకెళ్లి పలుమార్లు లైంగికదాడికి పాల్పడ్డాడు. గర్భం దాల్చడంతో టాబ్లెట్లు మింగించి అబార్షన్ చేయించాడు. 2020లో రాములు కానిస్టేబుల్గా ఎంపికై అక్టోబర్‌లో ట్రైనింగ్ పూర్తి చేసుకుని సైబరాబాద్‌ కమిషనరేట్‌లో కానిస్టేబుల్గా విధుల్లో చేరాడు. అనంతరం యువతిని పట్టించుకోవడం మానేశాడు. దీంతో ఆమె గట్టిగా నిలదీయగా ఇంట్లో పెళ్లి సంబంధాలు చూస్తున్నారు, నిన్ను పెళ్లి చేసుకోవడం ఇష్టం లేదని చెప్పేశాడు. దీంతో బాధితురాలు ఎల్బీనగర్ పోలీసులకు ఫిర్యాదు చేసింది. దీనిపై కేసు నమోదు చేసిన పోలీసులు సోమవారం రాములును అరెస్ట్ చేసి రిమాండ్‌కు తరలించారు.
0 Comments