గుంటూరు: రేపల్లెలో తీవ్ర విషాదం.. విద్యుత్ షాక్‌తో ఆరుగురు మృతి

జిల్లాలో తీవ్ర విషాదం చోటు చేసుకుంది. ఉపాధి కోసం వేల కిలోమీటర్లు వలస వచ్చిన కూలీల జీవితాలు మంటల్లో కాలి బుడిదయ్యాయి. రేపల్లె మండలం లంకెవాని దిబ్బలో ఆరుగురు వలస కూలీలు సజీవ దహనమయ్యారు. లంకెవాని దిబ్బ వద్ద ఉన్న రొయ్యల చెరువు వద్ద ఒడిశాకు చెందిన వ్యక్తులు కాపలాకు కుదిరారు. గురువారం రాత్రి వారంతా రొయ్యల చెరువు వద్ద ఉన్న రేకుల షెడ్డులో నిద్రకు ఉపక్రమించారు. వారు గాఢ నిద్రలోకి జారుకున్నాక.. కరెంట్ తీగలు రేకుల షెడ్డు మీద పడి షార్ట్ సర్క్యూట్ అయ్యిందని ప్రచారం జరుగుతోంది. మంటలు అంటుకోవడంతో... షెడ్డులో నిద్రిస్తున్న ఒడిశాకు చెందిన ఆరుగురు సజీవ దహనమయ్యారు. మృతులను రామ్మూర్తి, కిరణ్‌, మనోజ్‌, మహేంద్ర, నవీన్‌, పండబోగా గుర్తించారు. ఘటనా స్థలం వద్దకు పోలీసులు మీడియాను అనుమతించడం లేదు. విద్యుత్ షార్ట్ సర్క్యూట్కారణంగానే ప్రమాదం జరిగిందని స్థానికులు భావిస్తుండగా.. ఈ దుర్ఘటనకు షార్ట్ సర్క్యూట్కారణం కాదని విద్యుత్ శాఖ అధికారులు చెబుతున్నారు. దీంతో ఈ ఆరుగురి మరణంపై అనుమానాలు తలెత్తుతున్నాయి. మృతులు రామ్మూర్తి, కిరణ్, మనోజ్, పండబో, మహేంద్ర, నవీన్‌గా పోలీసులు గుర్తించారు.