బుల్లితెర ప్రేక్షకుల్ని ఎంతగానో ఆకట్టుకుంటున్న ‘గుప్పెడంత మనసు’ సీరియల్.. నేడు(2021 జూలై 30)న 201 ఎపిసోడ్‌కి ఎంటర్ అయ్యింది. 201వ ఎపిసోడ్ హైలైట్స్.. మొత్తానికీ బర్త్‌డేకి రిషి రావడంతో జగతి ఆనందం చూసి వసు మనసులోనే.. మురిసిపోతుంది. హగ్ చేసుకుని కూడా థాంక్స్ చెబుతుంది జగతి వసుని. ఇక శిరీష్ మహేంద్ర కారులో వసుని దింపడం చూసి మిస్టర్ ఇగో.. రగిలిపోతున్న సంగతి తెలిసిందే కదా.. ‘శిరీష్ మహేంద్ర కారు కీస్ వసు చేతిలో పెట్టి.. కానిస్టేబుల్‌కి ఫోన్ చేశాను వసు.. నా కారు తీసుకుని రమ్మని.. నేను వెళ్తాను.. సాయంత్రం సినిమాకి వెళ్దాం.. బై’ అంటూ అక్కడ నుంచి వెళ్తాడు. వసు లోపలికి వెళ్తూ వెళ్తూ.. రిషిని చూసి.. ‘ఇప్పుడు పలకరించాలా వద్దా’ అనుకుంటుంది. ‘చూసి కూడా రాదేంటీ’ అని రిషి అనుకుంటాడు. ‘బర్త్‌డేకి వచ్చినందుకు థాంక్స్ చెబుదాం’అనుకుంటూ వసు వస్తుంది కానీ.. రిషి వసుకి మాట్లాడే ఛాన్స్ ఇవ్వదు. ‘మా డాడ్ కారులో వచ్చారేంటీ.? మా డాడ్ ఎక్కడా’ అంటాడు. ‘మేడమ్ సార్ కలిసి వస్తాం అన్నారు సార్’ అంటుంది వసు. రాత్రి బొకే ఫోటో పంపావేంటీ.. ఎక్కువ ఫీల్ అవుతున్నావా? నీ వల్లే నేను బర్త్‌డేకి వచ్చానని అందరికీ చెప్పుకుని తిరుగుతున్నావా అంటూ నోటికి వచ్చినట్లు మాట్లాడతాడు. దాంతో వసు.. ‘సార్ నేనెందుకు అలా చేస్తాను.. పైగా మీరు వచ్చినా రాకపోయినా నాకేం ఇబ్బంది లేదు’ అంటూ ఎదురు సమాధానం చెప్పింది కానీ.. రిషి తగ్గడు. ‘ఎక్కువగా ఊహించుకోకు.. జరిగినవన్నీ మరిచిపోవడం నా వల్ల కాదు.. ఇలా ఉపన్యాసాలు ఇచ్చి నన్ను మార్చాలనుకుని ఇబ్బంది పెట్టుకు’ అని తన క్యాబిన్‌కి వెళ్లిపోతాడు. అయితే సిస్టమ్ ఆన్ చేస్తే వసు ఫోటో కనిపిస్తుంది. వసు మాట్లాడినట్లే అనిపిస్తుంది. దాంతో వాటర్ తాగి తలపట్టుకుంటాడు. ఇక జగతి ఆనందంగా సన్మానం జరిగి చోటకి వెళ్దాం మహేంద్ర అనడంతో.. ఇద్దరూ అక్కడి వెళ్తారు. అయితే జగతి ఆ చోటునే కళ్లనిండా నీళ్లతో చూసుకుంటూ.. మురిసిపోతూ.. నా రిషి వస్తాడని నేను అనుకోలేదు అంటూ సంబరపడుతుంటే.. రిషి అవతల వైపు గ్లాస్ డోర్‌ నుంచి అంతా చూస్తాడు. ‘నేను ఏది మరిపోలేదు.. మరిచిపోను’ అంటూ కోపంగా అక్కడి నుంచి వెళ్లిపోతాడు. కాసేపటికి మహేంద్ర, జగతిల దగ్గరకి వసు రావడంతో.. మరోసారి థాంక్స్ చెబుతుంది వసుకి జగతి. దాంతో ఏంటి మేడమ్ ఇది.. మీరు నాకు థాంక్స్ చెప్పడం ఏంటీ.. అంటూనే.. మహేంద్ర సార్ మీరు వెళ్లండి.. నేను మేడమ్ వస్తాం’ అంటుంది. చూశావా వసు.. మీ మేడమ్ ఎంత సంబరపడిపోతుందో.. అంటూనే కళ్లు ఎగరేస్తాడు. ఆ సమయంలో మహేంద్ర వసు దగ్గర మాట కోరిన ‘జగతికి రిషిని దగ్గర చెయ్..’ మాటలే గుర్తొస్తాయి. ఇక మహేంద్ర అక్కడ నుంచి వెళ్తాడు. రిషి ఎదురు పడతాడు. ‘ఎక్కువగా ఊహించుకుని ఎక్కువ ఆశలు పెంచుకోవద్దు’ అని అర్థమయ్యేలా చెప్పి వెళ్లిపోతాడు రిషి. దాంతో మహేంద్ర.. ‘రిషి మారతాడా?’ అనే బాధలో పడతాడు. ఇక సీన్ కట్ చేస్తే.. వసు జగతిని.. ‘మేడమ్ వెళ్దాం.. మీటింగ్ ఉందన్నారు కదా.. తర్వాత వద్దాం’ అని ఒప్పించి తీసుకుని వెళ్తుంది. కానీ అయిష్టంగానే ఆ చుట్టూ రిషి రావడం, బొకే ఇవ్వడం అంతా తలుచుకుంటూ అక్కడి నుంచి కదులుతుంది. కమింగ్ అప్‌లో.. ‘జగతికి రిషిని దగ్గర చెయ్.. అదే నువ్వు ఇచ్చే గొప్ప గురు దక్షణ..’ అనే మహేంద్ర మాటల్ని గుర్తు చేసుకున్న వసు.. రెస్టారెంట్‌లో శిరీష్ ముందు కూర్చుని.. ‘నాకు చాలా సార్లు హెల్ప్ చేసిన ఒక పెద్దమనిషి నన్ను ఒక హెల్ప్ అడిగారు.. ఒకరకంగా చెప్పాలంటే నాకు ఇది పెద్ద ఛాలెంజ్..చెయ్యాలని నాకున్నా అదంత ఈజీ కాదు.. నేనేం చెయ్యాలి’ అంటూ సలహా అడుగుతుంది. ‘గొప్ప సమస్యే’ అంటాడు శిరీష్ తీవ్రంగా ఆలోచిస్తూ.. సరిగ్గా అప్పుడే వస్తాడు రిషి. వసు లేచి రిషిని కూర్చోమని పక్కకు నిలబడుతుంది. ‘ఏంటి పోలీస్ ఆఫీసర్.. ఏవో పాఠాలు చెబుతున్నారు’ అని వెటకారంగా అంటాడు రిషి. ‘సలహా ఇస్తున్నాను రిషి సార్’అంటాడు శిరీష్. వెంటనే రిషి కూర్చుని.. కూల్‌గా చూస్తూ.. ‘ఏంటా సమస్యా? ఏంటా సలహా’ అంటాడు. వసు భయపడుతుంది. మరిన్ని వివరాలు తరువాయి భాగంలో చూద్దాం! కొనసాగుతోంది.
0 Comments