దేశీ అతిపెద్ద బ్యాంక్ స్టేట్ బ్యాంక్ ఆఫ్ ఇండియా SBI కీలక నిర్ణయం తీసుకుంది. కరోనా కష్టకాలంలో చాలా మందికి ఊరట కలిగే ప్రకటన చేసింది. కోవిడ్ 19 శరవేగంగా విస్తరిస్తూ వస్తోంది. కేసులు నానాటికీ పెరుగుతూ వస్తున్నాయి. ఇలాంటి పరిస్థితుల్లో బ్యాంక్ కోవిడ్ హాస్పిటల్ కడుతున్నట్లు ప్రకటించింది. కోవిడ్ 19 రోగుల కోసం ఐసీయూ ఫెసిలిటీతో కూడా హాస్పిటల్ కడుతున్నామని ఎస్‌బీఐ వెల్లడించింది. రాష్ట్రాల్లో కోవిడ్ 19 తీవ్రత చాలా ఎక్కువగా ఉన్న ప్రాంతాల్లో ఈ హాస్పిటల్స్ నిర్మిస్తామని బ్యాంక్ పేర్కొంది. దీని కోసం తొలి దశలో రూ.30 కోట్లు కేటాయించామని తెలిపింది. Also Read: కరోనా పేషంట్లకు వైద్య సేవలు అందించేందుకు ఎమర్జెన్సీ బేసిస్ మీద హాస్పిటల్ నిర్మాణానికి నాన్ గవర్నమెంటల్ ఆర్గనైజేషన్స్ NGOs, హాస్పిటల్ మేనేజ్‌మెంట్లతో మాట్లాడుతున్నామని ఎస్‌బీఐ తెలిపింది. ఎస్‌బీఐ చైర్మన్ దినేశ్ కుమార్ ఖారా ఈ విషయాన్ని వెల్లడించారు. కరోనా వైరస్ తీవ్రత ఎక్కువగా రాష్ట్రాల్లో 1000 బెడ్లు, 50 ఐసీయూ ఫెసిలిటీతో హాస్పిటల్స్ నిర్మాణం ఉంటుందని బ్యాంక్ తెలిపింది. కొన్ని ప్రాంతాల్లో 120, 150 బెడ్స్ ఉంటాయని, హాస్పిటల్స్ సామర్థ్యం ప్రాతిపదికన బెడ్స్ సంఖ్య మారుతుందని వివరించారు. తర్వాత వీటి సామర్థ్యం పెంచుకుంటూ వెళ్తామని పేర్కొన్నారు. మొత్తం మేక్‌షిఫ్ట్స్ హాస్పిటల్స్ లేదా తాత్కాలిక కోవిడ్ హాస్పిటల్స్ కోసం బ్యాంక్ రూ.70 కోట్లు కేటాయించింది.
0 Comments