చంద్రబాబు సంచలన నిర్ణయం.. ఎన్టీఆర్ ట్రస్ట్ తరఫున ఉచితంగా

కరోనా కష్టకాలంలో అధినేత కీలక నిర్ణయం తీసుకున్నారు. ద్వారా కరోనా రోగులకు తమకు చేతనైనంత సాయం చేయడానికి ముందుకొచ్చారు. హోం ఐసొలేషన్‌లో ఉండి, స్వల్ప లక్షణాలతో బాధపడేవారికి ఆన్‌లైన్‌ ద్వారా వైద్య సలహాలు అందిస్తామని చంద్రబాబు ప్రకటించారు. ఎన్టీఆర్‌ ట్రస్టు ద్వారా అవకాశం ఉన్న ప్రాంతాల్లో ప్లాస్మా దానం చేపట్టడంతో పాటు కొవిడ్‌ లక్షణాలు ఎక్కువగా ఉన్నవారిని ఆసుపత్రుల్లో చేర్పించే ప్రయత్నం చేస్తామని ప్రకటించారు. నిరుపేద కొవిడ్‌ బాధితులకు ఉచితంగా మందులు పంపిణీ చేస్తామన్నారు. ‘సమాజమే దేవాలయం, ప్రజలే దేవుళ్లుగా భావించి నిరంతరం ప్రజాసేవకే అంకితమైన పార్టీ తెలుగుదేశం. అధికారంలో ఉన్నా, లేకున్నా నిరంతరం ఆపదలో ఉన్న ప్రజానీకానికి సేవలందించడమే టీడీపీ ధ్యేయం. ప్రజలకు ఎప్పుడు ఏ కష్టం వచ్చినా ఆదుకోవడంలో తెలుగుదేశం పార్టీ ఎల్లప్పుడూ ముందుంటుంది. ప్రస్తుత కరోనా విపత్తు సమయంలో ప్రజలకు సేవలందించేందుకు తన వంతు సహాయంగా టీడీపీ ముందకు వచ్చింది. స్వల్ప కాలిక లక్షణాలు ఉండి హోం ఐసోలేషన్ లో ఉన్నవారికి ఆన్ లైన్ లో వైద్యులు ద్వారా సలహాలు ఇవ్వడం జరుగుతోంది. నిరుపేదలకు ఉచితంగా మందులు పంపిణీ చేయడానికి ఏర్పాట్లు చేయడానికి నిర్ణయించాము’ అన్నారు. ‘కోవిడ్ లక్షణాలు మరీ ఎక్కువగా వుండి ఆసుపత్రిలో చేరాల్సిన అవసరం వున్న వారిని ప్రభుత్వ, ప్రైవేటు ఆసుపత్రుల్లో చేర్చడానికి తమవంతు సహకారం అందిస్తుంది. ప్రతి ఒక్కరూ వ్యాక్సిన్ వేయించుకోవడానికి తోడ్పాటునందిస్తుంది. ఎన్టీఆర్ ట్రస్టు ద్వారా అవకాశం వున్న నిర్దేశిత కేంద్రాల్లో ప్లాస్మా డొనేషన్ చేపట్టాలని నిర్ణయించడమైంది. ఈ విపత్కర సమయంలో 24/7 ప్రతి కార్యకర్తా క్రమశిక్షణ కలిగిన సైనికుడిగా సేవలందించడానికి సిద్ధంగా ఉన్నారు. ఈ విపత్కర సమయంలో అవసరమున్న వారు ఎవరైనా సమీపంలోని కార్యాలయాల్లో సంప్రదించవచ్చు. కోవిడ్ లక్షణాలు ఉన్నవారు ఆన్ లైన్ లో తమ ఇబ్బందులను డాక్టర్లకు తెలియజేయవచ్చు. తద్వారా డాక్టర్లు సూచించిన మెడిసిన్ వాడటం వల్ల వ్యాధి బారి నుండి బయటపడటానికి ఉపయోగపడుతుంది. ఈ అవకాశాన్ని ఉపయోగించుకుని కరోనా మహమ్మారి నుండి విముక్తి పొందాలని ఆశిస్తున్నాం.. ’ అని చంద్రబాబు పేర్కొన్నారు.