తూ.గో: వాటర్ ట్యాంక్ ఎక్కిన వాలంటీర్.. పోలీసుల పరుగులు, ఏమైందంటే

తూర్పుగోదావరి జిల్లాలో వాలంటీర్ వాటర్ ట్యాంక్ ఎక్కడం కలకలంరేపింది. మండలం ఎస్ తిమ్మాపురంకు చెందిన వాలంటీర్ ఓ అమ్మాయిని ప్రేమించాడు.. కులాంతర వివాహం చేసుకున్నాడు. అన్నవరం పోలీస్ స్టేషన్‌కు చెందిన ఓ కానిస్టేబుల్ తనను కొట్టాడని యువకుడు ఆరోపించాడు. తమతో ఎలాంటి సంబంధం లేని కానిస్టేబుల్ ఎందుకు దాడి చేశారని ప్రశ్నించాడు. ఆ మనస్తాపంతో కిర్లంపూడి పోలీస్ స్టేషన్ పక్కన ఉన్న వాటర్ ట్యాంక్ ఎక్కాడు. ఆ కానిస్టేబుల్‌పై చర్యలు తీసుకోవాలని డిమాండ్ చేశాడ. కానిస్టేబుల్‌పై వెంటనే చర్యలు తీసుకోకపోతే వాటర్ ట్యాక్ పై నుంచి దూకేస్తానని బెదిరింపులకు దిగాడు. వెంటనే గమనించిన స్థానికులు పోలీసులకు సమాచారాన్ని అందించారు. వెంటనే పోలీసులు సంఘటనా స్థలానికి చేరుకుని.. ఆ యువకుడికి నచ్చ చెప్పే ప్రయత్నం చేశారు. కొద్దిసేపు మొండికేసిన యువకుడు చివరికి కిందకు దిగటంతో అందరూ ఊపిరి పీల్చుకున్నారు. ఈ ఘటనకు సంబంధించిన పూర్తి వివరాలు తెలియాల్సి ఉంది.