చంద్రబాబు పేరు చెప్పాలని ఒత్తిడి చేశారు.. మాజీ మంత్రి సంచలన వ్యాఖ్యలు

సీఐడీ విచారణలో పేరు చెప్పాలని తనపై ఒత్తిడి తెచ్చారని సంచలన వ్యాఖ్యలు చేశారు మాజీ మంత్రి . తన ఫోను, ట్యాబ్‌ను శుక్రవారం సీఐడీ కార్యాలయంలో స్వయంగా అందజేయాలని సూచించారని.. శనివారం ఉదయం 10 గంటలకు మళ్లీ విచారణకు రావాలని చెప్పారన్నారు. తాను చెప్పని విషయాలు కూడా చెప్పినట్లు.. దర్యాప్తు అధికారులు వారికి ఇష్టమొచ్చినట్లు స్టేట్‌మెంట్లు రాసుకుని వాటిపై సంతకాలు చేయాలంటూ బెదిరించారని చెప్పుకొచ్చారు. ఈ కేసు కేసు విషయంలో చంద్రబాబు పేరు చెబితే మధ్యాహ్నానికే వదిలేస్తామన్నారని.. చంద్రబాబు, టీడీపీ ఆదేశాల మేరకే మీడియా సమావేశంలో వీడియో ప్రదర్శించానని చెప్పాలంటూ ఒత్తిడి చేశారన్నారు. తప్పుడు కేసులకు భయపడేది లేదని ఉమా అన్నారు. తన గొంతు నొక్కాలనుకుంటున్నారని.. హైకోర్టు ఆదేశాలను గౌరవిస్తూ విచారణకు హాజరైనట్లు చెప్పారు. తనను జైల్లో పెట్టినా, చంపినా ప్రశ్నిస్తూనే ఉంటా.. పోరాడుతూనే ఉంటాను అన్నారు. కరోనాతో ప్రజలు చనిపోతుంటే జగన్‌ తాడేపల్లి కోటలో కూర్చొని ఐపీఎల్‌ మ్యాచ్‌లు, సినిమాలు చూస్తూ కాలక్షేపం చేస్తున్నారన్నారు. మంత్రివర్గ సమావేశం నిర్వహించే ధైర్యం లేదు కానీ.. పదో తరగతి, ఇంటర్మీడియట్‌ విద్యార్థులకు పరీక్షలు నిర్వహిస్తామని ఎలా చెబుతారని ప్రశ్నించారు. అమూల్‌ కోసం సంగం డెయిరీ ఆస్తులను తాకట్టు పెట్టేందుకు ప్రయత్నిస్తున్నారని.. ప్రభుత్వ మెప్పు కోసం కొందరు అధికారులు తప్పుడు కేసులు బనాయిస్తున్నారన్నారు దేవినేని ఉమా ఈ నెల 7న తిరుపతిలో నిర్వహించిన ఓ మీడియా సమావేశంలో ప్రదర్శించిన వీడియోపై దుమారం రేగింది. తిరుపతి రావటానికి ఎవరు ఇష్టపడతారని జగన్‌ గతంలో వ్యాఖ్యానించినట్లు మార్ఫింగ్ వీడియోను ప్రదర్శించారని వైఎస్సార్‌సీపీ ఫిర్యాదు చేయడంతో ఈ నెల 7న సీఐడీ అధికారులు కేసు నమోదు చేశారు. ఈ కేసుకు సంబంధించి ఉమా హైకోర్టును ఆశ్రయించారు. కోర్టు ఆదేశాల మేరకు ఆయన సీఐడీ అధికారుల ఎదుట హాజరయ్యారు. దాదాపు 9 గంటల పాటు ఆయన్ను దర్యాప్తు అధికారులు ప్రశ్నించారు.