రూ.25 వేలకు బంగారం కొంటే.. ఉచితంగానే గోల్డ్ కాయిన్స్.. అదిరిపోయే ఆఫర్!

బంగారం కొనుగోలు చేయాలని ఆలోచిస్తున్నారా? అయితే మీకు శుభవార్త. మీకోసం ఒక అదిరిపోయే ఆఫర్ అందుబాటులో ఉంది. బంగారు కొనుగోలుపై ఉచితంగానే బంగారు నాణేలు పొందొచ్చు. జువెలరీ సంస్థలు ఇప్పటి నుంచే ఫ్రీ గోల్డ్ కాయిన్ ఆఫర్లను వెల్లడిస్తున్నాయి. కల్యాణ్ జువెలర్స్‌కు చెందిన కాండెరే బ్రాండ్ ఉచిత గోల్డ్ కాయిన్ ఆఫర్‌ను వెల్లడించింది. ఆఫర్‌లో భాగంగా రూ.25 వేలు లేదా అంతకన్నా ఎక్కువ మొత్తంతో బంగారు ఆభరణాలు, డైమండ్ జువెలరీ కొనుగోలు చేస్తే ఉచితంగానే గోల్డ్ కాయిన్స్ పొందొచ్చు. Also Read: అయితే ఈ ఆఫర్ కేవలం అక్షయ తృతీయ రోజున మాత్రమే అందుబాటులో ఉంటుందని గమనించాలి. మే 14న అక్షయ తృతీయ వస్తోంది. ఆరోజు బంగారం కొంటే మంచిదని అందరూ విశ్వసిస్తారు. అందుకే జువెలరీ సంస్థలు ఆరోజు కోసం ఇప్పటి నుంచే ఆఫర్లు వెల్లడిస్తున్నాయి. ఇకపోతే పసిడి రేటు విషయానికి వస్తే.. హైదరాబాద్ మార్కెట్‌లో గురువారం బంగారం ధర పడిపోయింది. 10 గ్రాముల 24 క్యారెట్ల బంగారం ధర రూ.300 తగ్గుదలతో రూ.48,160కు క్షీణించింది. అదేసమయంలో 10 గ్రాముల 22 క్యారెట్ల బంగారం ధర కూడా ఇదే దారిలో నడిచింది. రూ.300 క్షీణతతో రూ.44,150కు తగ్గింది.