పెద్దఅంబర్‌పేట ఓఆర్ఆర్‌ వద్ద ఘోర రోడ్డుప్రమాదం... ఇద్దరి దుర్మరణం

ఔటర్ రింగ్ రోడ్డుపై మంగళవారం తెల్లవారుజామున ఘోర రోడ్డుప్రమాదం సంభవించింది. ఓఆర్ఆర్‌ సమీపంలోని జాతీయ రహదారిపై అతివేగంగా ప్రయాణించిన కారు ఆగివున్న లారీని ఢీకొట్టింది. ఈ దుర్ఘటనలో కారులో ప్రయాణిస్తున్న ఇద్దరు అక్కడికక్కడే మృతి చెందారు. తీవ్రంగా గాయపడిన మరొకరిని స్థానికులు సమీపంలోని ఆస్పత్రికి తరలించారు. ప్రస్తుతం అతడి పరిస్థితి విషమంగా ఉన్నట్లు సమాచారం. ఈ ప్రమాదంపై సమాచారం అందుకున్న పోలీసులు వెంటనే ఘటనా స్థలానికి చేరుకుని సహాయచర్యలు చేపట్టారు. స్థానికులు, ఇతర వాహనదారుల సాయంతో కారులో ఇరుక్కుపోయిన మృతదేహాలను బయటికి తీశారు. ఈ ఘటనపై కేసు నమోదు చేసుకున్న పోలీసులు దర్యాప్తు చేస్తున్నారు. మృతుల వివరాలు తెలియాల్సి ఉంది.